Sa dili pa dugay sa atong pakighinabi ni Carmen Mayor Mar Perandos, Outstanding Alumnus sa USEP, nga iyang sulayan mag-testing sa konsepto sa PTA Coop. Sa pagkakaron, ang Parents Teachers Association kon PTA naging Pera TAtay Amot na mali kay gigamit ang sa DepEd nga tigkolekta sa mga contributions.
Nakahibalo si Mayor
Perandos nga kung mag-convert ang PTA ngadto sa Coop daghan kaayong bentahi nga
mahimo sa mga ginikanan.
Una kung maging PTA Coop
na, makaangkon na mga ginikanan og otoridad nga hatagan og canteen sa school.
Pwede na nila silbihan ang tanan nilang mga anak sa pagkaon ug meryenda.
Sa maong sistema, daghan
na sila maangkon nga trabaho ihatag sa mga kabus nga ginikanan. So mawala na
puhon ang namber wan nga problema sa DepEd nga mao ang 10% nga drop out o dili
makahuman gumikan sa pagka-pobre. Ang mga trabaho mao: tigluto, tig-prepare sa
lutoon, tigserbi, tighugas, tigpalengke, tigwalis-limpyo, tig-rekord, oup. Ang
uban pwedeng magluto na lang sa ilang balay og mga kakanin, juice ug uban pa.
Kay ang coop naa na
canteen ug store, pwede na sila magluto og mga sustansiyadong pagkaon ug
meryenda. So ang number two nga problem sa DepEd nga malnutrisyon, masulbad na!
Unya kung magkasinabot
ang mga miyembro, pwede na sila mopalit sa kumpleto’ng tindahan sa ilang mga
panginahanglam. So sa 1,000 ka pupils naa 5,000 ka konsumante. Kung kada pupil
mogasto og P5,000 kada tuig.
Kung mopalit sila og P25
M sa usa ka tuig, sa 3% nga rebates gikan sa mall/store, maka-income na ang PTa
og P750,000.
Sa ato pa, ang pagbuhat
og PTA Coop makasulbad sa drop out, malnutrition ug problemang Pera Tatay Amot
(PTA) kay maka-income og dagko sa rebates ug sa canteen ug store. Ang mga
magtutudlo dili na mopugos mopalit og chalk ug eraser ug mo-contribute amot
para sa mga bisita.
Kumbinsido si Mayor
Perandos nga segurado gayud ang resulta sa iyang planong i-pilot ang PTA coop
sa Carmen!
