Kontra ug pabor: Dapat may regular budget ang Media

KONTRA:

BASIN MAWALA ANG LIBRENG PAMAHAYAG. Nagabalaka ang pipila sa atong mga migs sa media nga basin mawala ang atong katungod nga libreng pamahayag kung matagaan/magahinan kwarta sa Kongreso.

TUBAG: Dili ta dapat mabalaka kay naa na modelo’ng gigahinan og budget pero nagpabiling independent: mga korte sa balaod ug Commission on Audit (COA). Bisan ang COA gihatagan og opis, computer, sakyanan, oup. Ang maong opisina naga-report sa mga deficiencies ug hiwing transaksiyones sa ilang ahensyang gibantayan. Naa lang pipilang auditor pananglitan sa AFP Intelligence nga dili tarong. Pero ang kinatibuk-ang independent ang COA.

MURAG SUMBAG SA BULAN ANG PAGGAHIN PARA SA MEDIA. Mura lagi, pero dili ta makaangkon sa kausabang dako kung ginagmay ra atong hangyoon. Pero si Gov. DR. RDR nagatuo nga dapat ma-budgetan ang media. Sa Media Forum dinhi dili pa lang dugay miingon nga iyang kumbinsihon si Cong AGR para iduso kini sa Kongreso. Nagapasalamat kita sa suporta si Dr. Del Rosario!

USA PA NGA DAPAT KLAROHON. Unsa bay klaseng organisasyon mugnaon sa mga probinsiya ug Chartered nga syudad? Mga sugyot: Coop o Foundation.

KINSA MAN MGA MIYEMBRO. Nag-ingon ang atong migs nga pipila nga taga Media, unsaon pagpili sa mga miyembro?

ATONG SUHESTIYON: Mag-meeting mga miyembro sa Committee para hisgotan ug mag-rekomendar sa kinatibuk-ang hanay sa Media.

PABOR:

MGA MEDIA PEOPLE ILABI NA’S MGA PROBINSIYA NAHIMONG MGA KABUS. Para lang mokita gamay’ng pesos, nisugot mouban ngadto sa Maguindanao kauban sa convoy ni Mangudadatu, bisan may posibleng kakuyaw nga mahitabo. Resulta? 32 journalists girakrakan ug gi-backhoe. Maayo lang kay buotan ang gov sa South Cotabato ug gihatagan sila og kwarta pagpalubong.

Unya hustisya hangtod karon 2 na ka tuig la pa gihapon.

BISAN WALA PA NAHITABONG MASAKER ANG PINAS IKADUHA NA NGA PINAKADAGHANG GINAPATAY NGA JOURNALIST.

KALABANAN SA MGA MANTALAANG PANG-PROBINSIYA NAPUGOS MAGTALA OG SEX UG VIOLENCE, KOMERSYALISMO UG POLITICAL ADS PARA LANG MABUHI. SO ATONG NAMATIKDAN, MGA HEADLINE, GIPATAY, GILUBA, GI-RAPE, NASUNOG, NALUMOS, NAIGO OG KILAT OUP. Babae nakaanak human nabundol traysikol. Headline, pero ang misabay nga news: ang pagdiskubre nga ang gata sa lubi pwedeng isagol sa gatas para madaghan ang cheese, wala gibandila sa front page. Sa sulod lang unya gamay rang column inch.

PIPILA SA MGA TAGA-MEDIA GI-HIRE PARA LANG MOATAKE SA KONTRA-PULITIKA.

SA MAS DAGHANG PISTANG GIPAHIGAYON, usually naunsa? Indak-indaking, hapi-hapying, inom-inoming, kaon-kaoning, pag-uli gutum-gutoming. He he he. Ingna ngano? Mga lumad nga gigamit wala man matudloan og modernong mais pag-atiman ug uban pa pinaagi sa radio-TV ug mantalaan!

PILA BA KARON DIRI SA ATO NAKAHIBALO SA HUSTONG ABONO PARA MADOBLE ANG KITA SA KOPRAS? Gamay ra di ba? Pero nakahibalo kita sa mga tsismis, kinsa nagpabuntis kang kinsa? Ang nidakong tiyan dili diay Cancer, kang sir man diay? Ngano man? Walay pahalipay sa mga radio, tv ug mantalaan para magtabang ngadto sa Development Communication!

Unya nag-ingon ang Constitution: 4^th Estate daw ang media, unya nagatuo ta? Estoryahee!

Hoy gising media! Naa pa ba ta diha?